Kenianët të pa konkurrencë në Gjysmëmaratonën e Prishtinës

Rreth 1600 garues morën pjesë në këtë gjysmëmaratonë, ndërsa atleti Maina Mwangi Joel e fitoi përsëri garën prej 21 kilometrash në konkurrencën e meshkujve

Maratonistët nga Kenia edhe kësaj here kanë dominuar në Gjysmëmaratonën e Prishtinës, që është bërë tashme tradicionale. Rreth 1600 garues morën pjesë në këtë garë, ndërsa atleti Maina Mwangi Joel e fitoi përsëri garën prej 21 kilometrash në konkurrencën e meshkujve, ndërsa bashkëkombësja e tij, Biwott Jepkurui ishte e para në konkurrencën e femrave.

Kësaj here maratona e Prishtinës theu rekord për numrin e madh të garuesve, në 16 vjetet sa mbahet Gjysmëmaratona.

Tek veteranët, më i shpejti tek meshkujt ishte malazezi Dragolub Koprivica, kurse tek femrat, holandezja Witteman Katrien, citon Zëri. Në kategorinë 5 kilometra, tek meshkujt fitoi Suad Kryeziu, derisa tek femrat Gentiana Peci.

Si rëndomtë, edhe kësaj here u zhvillua gara për personat me aftësi të kufizuara, ku tek meshkujt i pari doli Abdyl Ibishi, ndërsa tek femrat, Sadije Sadiku.

Ndryshe, edhe vitin e kaluar, ishte të njëjtit atlet nga Kenia që fituar Gjysmëmartanon, Mwangi dhe Jepkuruji. Vetëm se vitin e kaluar kishte me pak atlet, rreth 1400. vetëm kësaj here kjo garë është më e rëndësishme pasi Komiteti Olimpik i Kosovës është pranuar me të drejta të plota në Komitetin Olimpik Ndërkombëtar (KON).