Në Zvicër, 5.1% të papunësuar*

Në këtë kategori, Zvicra deri në vitin e kaluar zinte vendin e tretë në Evropë, pas Islandës dhe Norvegjisë, ndërsa bazuar në tremujorin e parë të këtij viti ajo është e pesta

Në Zvicër, si rezultat i tronditjes që shkaktoi vitin e kaluar ndryshimi i kursit të frangut, është shënuar një rritje e përqindjes së të papunëve. Në tremujorin e parë të këtij viti Zvicra ka 5.1 të papunësuar, që është dukshëm mbi kuotën e shënuar në kuartalin e njëjtë të vitit të kaluar, kur 44.4% të popullatës së aftë për punë llogariteshin si të papunë, shkruan srf.ch.

*Duhet sqaruar këtu se kjo përqindje përfshin njerëzit që aktualisht nuk kanë punë dhe ajo ndryshon nga kategoria e të papunëve që janë paraqitur në entet për ndërmjetësim pune, transmeton albinfo.ch. Kjo shkallë përdoret më tepër për të bërë krahasimet në mes të shteteve të ndryshme, pasi që konsiderohet si papunësi efektive.

Ndërkaq shkalla e të regjistruarve në entet e punës  është dukshëm më e ulët, rreth 3.4%.

Në këtë kategori, Zvicra deri në vitin e kaluar zinte vendin e tretë në Evropë, pas Islandës dhe Norvegjisë, ndërsa bazuar në tremujorin e parë të këtij viti ajo është e pesta. Para saj janë edhe Islanda, Gjermania, Çekia dhe Malta.

Për herë të fundit shkalla prej 5.1% e papunësisë në Zvicër ishte shënuar në tremujorin e parë të vitit 2010.