Për të luftuar terrorizmin, zviceranët heqin dorë nga liritë e tyre personale

Edhe pse afërsisht 9 nga 10 personat e pyetur vazhdojnë të deklarojnë se ndjehen të sigurt, kur është fjala për luftimin e terrorizmit për ta ka më shumë vlerë siguria se liria e tyre

Keystone

Frika nga rreziqet e shumta që kërcënojnë nga jashtë, i bën zviceranët të «bëjnë kabull»edhe kufizimin e lirive të tyre që i gëzojnë në Zvicër.

E më së shumti frikë kanë ata nga valët e refugjatëve, nga terrorizmi dhe lufta. Pasiguria që krijon kjo frikë, e arsyeton sipas shumicës prej tyre, rritjen e angazhimit të policisë dhe ushtrisë.

Të gjitha këto dalin nga një raport prej studimit «Siguria 2016», të realizuar nga Akademia Ushtarale dhe Center for Security Studies të unibversitetit ETH të Cyrihut, shkruan sda.ch.

Tri të katërtat e të anketuarve besojnë se gjatë pesë viteve në vijim, situata politike në botë do të jetë më e zymtë dhe më e tendosur. Vitin e kaluar këtë mendim e kishin pak më shumë se gjysma.

Edhe pse afërsisht 9 nga 10 personat e pyetur vazhdojnë të deklarojnë se ndjehen të sigurt, kur është fjala për luftimin e terrorizmit për ta ka më shumë vlerë siguria se liria e tyre, transmeton albinfo.ch. Dy të tretat e tyre janë të gatshëm të heqin dorë nga liritë e tyre personale në mënxrë që të luftrohet terrorizmi «Me të gjitha mjetet».