Tuneli i ri në Gotthard, gjysmë ore më shpejt në Ticino

Me hapjen e tunelit të ri Gotthard, koha e udhëtimit do të reduktohet në aksin Veri-Jug.

Orari i udhëtimeve me tren në fund të 2016-ës sjell një udhëtim më të shkurtër për në Ticino, nëpërmjet tunelit në Gotthard. Berna, Olteni, Soloturni dhe Aarau do të përfitojnë lidhje të reja për në Cyrih, tregon në një njoftim SBB.

Ndryshimi  më i rëndësishëm që hyn në fuqi prej 11 dhjetorit në kalendarin e 2017-ës ka të bëjë me lidhjen e Gotthard-it në Ticino. Koha e udhëtimit nga pjesa gjermanofolëse e Zvicrës do të shkurtohet për në jug nëpërmjet tunelit bazë Gotthard me rreth 30 minuta, njofton SBB, përcjell albinfo.ch.

Së bashku me bazën e tunelit Céneri, i cili pritet të hapet në vitin 2020, koha e udhëtimit nga Cyrihu në Milano do të shkurtohet rreth një orë.
Tuneli më i madh në Bazis Gotthard do të hapet sot, gjatë një ceremonie të madhe të dorëzimit të SBB-së.