Rreth 300 pjesëmarrës në Konferencën ndërfetare në Kosovë

Në këtë konferencë, po marrin pjesë edhe edhe Nobelistët e paqes, Shirin Ebadi dhe Tawakkol Karman

Mbi shumë se 300 pjesëmarrës nga rreth 50 shtete të botës po marrin pjesë në Konferencën Ndërfetare që po mbahet në Prishtinë, ku do të debatohet për “Rolin e gruas në promovimin e dialogut ndërfetar dhe luftimin e ekstremizmit”. Në këtë konferencë, po marrin pjesë edhe edhe Nobelistët e paqes, Shirin Ebadi dhe Tawakkol Karman.

Konferenca do të zgjatë 3 ditë, ndërsa pjesëmarrës janë edhe shumë zyrtarë nga shtetet që nuk e kanë njohur pavarësinë e Kosovës.

Siç raporton “Lajmi.net”, në këtë konferencë sivjet pjesëmarrjen kanë konfirmuar edhe liderë fetarë nga Argjentina, Jemeni, Amerika, Kuba, Tajlanda e Nigeria.

Konferenca, e cila sivjet organizohet nën patronazhin e Presidentit të Republikës së Kosovës, Hashim Thaçi dhe është e organizuar nga disa organizata që promovojnë dialogun si Instituti Ndërkombëtar për Dialog Ndërfetar, “Tony Blair Faith Foundation”, ndërsa mbështetës janë Ministria e Punëve të Jashtme, Kuvendi i Republikës së Kosovës, Ambasada Amerikane, Ambasada Kanadeze, Ambasada Norvegjeze, si dhe Organizata e Kombeve të Bashkuara.

Konferenca Interfaith Kosovo sivjet do të ndajë edhe Çmimin e Kosovës për Dialog Ndërfetar, që sivjet sipas informacioneve, do ta marrin Kryetari i Londrës, Sadik Khan, si dhe Monsignor Vincenzo Paglia.