Shuhet miku i madh i shqiptarëve, Rupert Neudeck

Ka ndërruar jetë sot në moshën 77 vjeçare Rupert Neudeck, një mik i madh dhe mbështetës i rindërtimit të Kosovës.

Neudeck para se të angazhohej për ndërtimin e Kosovës së shkatërruar pas luftës, qe bërë i njohur në vitet `70 me themelimin e organizatës së njohur humanitare “Cap Anamur”.

Se ishte me të vërtetë një mik yni i madh, e dëshmon edhe njëra nga deklaratat e tij të fundit për Kosovën: “Shteti është në duart e politikanëve të papërgjegjshëm dhe djallëzisht të korruptuar, që gjithmonë mendojnë për të mirën e tyre – dhe jo për atë të qytetarëve. Më shumë, politikanët janë nganjëherë thjesht kriminelë”.