Kërkohen afër 400 milionë franga plus për azilin

në vitin 2015 në vend të 26000 sa ishte “planifikuar”, sipas autoriteteve federale në Zvicër kanë ardhur 39500 azilkërkues

Organet shtetërore federale gjatë këtij viti, për të funksionuar si duhet, do të kenë nevojë për më shumë para se sa që ishin planifikuar në buxhetin e miratuar në fund të vitit të kaluar.

Për këtë arsye Parlamenti (Dhoma Nacionale) sot ka debatuar për një kredit shtesë prej 397 milionë frangave. Shumica e këtyre mjeteve do të hyjnë në punë në fushën e azilit, njofton srf.ch. Kjo nevojë shtrohet për arsye se që nga viti i kaluar, ka një trend të rritjes së numrit të azilkërkuesve në krahasim me atë të parashikuar fillimisht.

Kështu, në vitin 2015 në vend të 26000 sa ishte “planifikuar”, sipas autoriteteve federale në Zvicër kanë ardhur 39500 azilkërkues, transmeton albinfo.ch

Pas një debat të gjerë, shumica e deputetëve e miratoi kërkesën e përmendur për kredit. 124 ishin pro ndërsa 64 kundër, gjegjësisht kërkesa u kundërshtua vetëm nga ana e deputetëve të SVP/UDC-së.