Të gjitha shtëpitë e vjetra në Prizren do të rrënohen

Menjëherë pasi humbi jetën tragjikisht një fëmijë 3 vjeç, si pasojë e rrëzimit të një shtëpie, komuna e Prizrenit mori vendim për shkatërrimin e të gjitha shtëpive të vjetra

Pas tragjedisë që ndodhi dje në Prizren, ku nga rrëzimi i një shtëpie humbi jetën një vajzë tri vjeçare dhe një tjetër u lëndua, ka bindur autoritet e komunës së Prizrenit dhe të Ministrisë së Kulturës, që t’i rrëzojnë të gjitha shtëpitë e vjetra që gjenden në pjesën e trashëgimisë kulturore të këtij qyteti.

Takimi mes Ministrisë së Kulturës dhe Komunës së Prizrenit, ishte thirrur urgjentisht pas ngjarjes së djeshme.

Vjollca Aliu, drejtoreshë e Departamentit të Trashëgimisë Kulturore në MKRS, i ka thënë Insajderit, se takimi që ka përfunduar në orën 22:45 ka rezultuar me kërkesën për demolim të shtëpive të vjetra, në rrugën “Marin Barleti” në të cilën gjendet edhe shtëpia e rrënuar sot pasdite.

Në këtë takim nuk ka marrë pjesë Ramadan Muja, edhe pse e kishte paralajmëruar pjesëmarrjen në të.

“Komuna e Prizrenit ka kërkuar që qysh sonte të demolohet shtëpia në fjalë dhe shtëpitë e tjera në atë rrugë për shkak se paraqesin rrezik të madh, por Ministra e Kulturës ka qenë kundër këtij vendimi, sepse nuk mund të merret si arsye tragjedia për të shkatërruar trashëgiminë pa e dokumentuar”, ka thënë Aliu.

Ajo e ka përshkruar si mjaft të tensionuar takimin me Komunën e Prizrenit, për shkak se ata e kanë hedhur fajin tek Ministra e Kulturës për mos lejimin e prishjes së këtyre shtëpive.

Një ditë më parë një vajzë tri vjeçare ka humbur jetën pas u rrëzua muri i një shtëpi të vjetër në pjesën mbrojtur të Prizrenit. Në këtë shtëpi ka jetuar Lirie Gashi me dy vajzat, njërën që humbi jetën dje dhe së bashku me kunatën e saj Luljeta Bajraktari. Liria së bashku me vajzën tjetër 10-vjeçare e cila është e lënduar, kanë shkuar në shtëpinë e familjes së saj në një fshat të Deçanit.

“Kemi qenë duke qëndruar në rrugicë dhe vajza ka qenë duke lu afër shtëpisë, kur është shemb muri dhe e ka zënë gati krejt. Kemi qenë 6 veta aty dhe të 6-it kemi mujt me dek, por kemi shpëtuar”, ka thënë ajo Luljeta Bajraktari, kunata e Lirie Gashit. Ajo ka thënë se nuk pret nga Komuna e Prizrenit që të japin përgjegjësi, por do të kërkojnë drejtësi për viktimën.