Gjykata Federale mbështet ndalimin e burka-s në Kantonin e Ticinos

Në vitin 2013 popullata me të drejtë vote në kantonin e Ticinos kishte votuar në referendum iniciativën për ndalimin e mbulesës së grave myslimane në hapësira publike, gjegjësisht veshjen e njohur me emrin “burka”

Foto ilustruese

Dy ankesa ishin bërë në Gjykatën Federale  lidhur me ligjin që në kantonin e Ticinos ndalon bartjen e burka-s, mbulesës së fytyrës për gratë myslimane, shkruan srf.ch. Por gjykata më e lartë e Zvicrës i ka hedhur poshtë ankesat gjegjësisht ato nuk mund ta shtyjnë veprimin e ligjit mbi ndalesën e burka-s, transmeton albinfo.ch. Ky ligj do të hyjë në fuqi më 1 korrik 2016, bën të ditur ekzekutivi në këtë kanton.

Por, ndërkohë që ka lejuar veprimin e ligjit të përmendur, Gjykata Federale ende nuk ka vendosur lidhur me përmbajtjen e këtij ligji.

Siç dihet, në vitin 2013 popullata me të drejtë vote në kantonin e Ticinos kishte votuar në referendum iniciativën për ndalimin e mbulesës së grave myslimane në hapësira publike, gjegjësisht veshjen e njohur me emrin “burka”.