Zbulohet statuja e Nënë Terezës në Pfafenhofen

Mediat gjermane shkruajnë se prej 100 anëtarëve të shoqatës shumica i përkasin besimit myslimanë, por pa dallim feje, Nënë Tereza është një model i tyre i humanizmit. Kjo vepër e derdhur në bronz është bërë nga artisti mitrovicas, Miftar Istrefi i njohur si “Tali”

Statuja e njërës nga figurave më të rëndësishme të popullit shqiptar dhe në botë, Nënës Terezë që nga sot është e pranishme edhe në Pfafenhofen të Gjermanisë. Me praninë e shumë personaliteteve të shquar nga Kosova dhe Gjermania si dhe bashkatdhetarëve tanë në katedralen Johanes Baptist është përuruar statuja e Nënë Terezës.

Kjo vepër e derdhur në bronz është bërë  nga artisti mitrovicas, Miftar Istrefi i njohur si “Tali”. Ndërkohë i gjithë organizimi është bërë nga Shoqata Kulturore Shqiptare “Sali Çekaj” dhe Misioni Katolik Shqiptar në Gjermani.

Mediat gjermane shkruajnë se  prej 100 anëtarëve të shoqatës shumica i përkasin besimit myslimanë, por pa dallim feje, Nënë Tereza është një model i tyre i humanizmit. Pra, Nënë Tereza për ta nuk është vetëm një figurë humane, por gjithëpërfshirëse, përcjell “albinfo.ch”.

Pas zbulimit të statujës për të pranishmit është organizuar mikpritje me gjëra ushqimore shqiptare ndërkohë më vonë është mbajtur një mbrëmje muzikore më këngëtaren Eda Zari dhe këngëtarë të tjerë shqiptarë. Po ashtu nuk kanë munguar edhe vallet shqiptare të prezantuara nga shoqata të ndryshme në diasporë.