Kërkojnë të pranohen 50.000 refugjatë në Zvicër

10 mijë njerëz kanë nënshkruar një apel “për pranimin e shpejtë të 50.000 refugjatëve në Zvicër”. Të hënën nënshkrimet i janë dorëzuar Këshilltares Federale të Drejtësisë dhe Policisë, Simonetta Sommaruga.

“Kufijtë nacionalë nuk duhet të vrasin’’, tha presidentja e Unia-s, Vania Alleva, para njerëzve të mbledhur në Bundesplatz të Bernës. Fillimi i pranimit të menjëhershëm të 50.000 njerëzve u është referuar atyre që trajtohen si raste humanitare.

Apeli u nis në fund të marsit nga sindikalistët, të cilët kishin qenë dëshmitarë të vuajtjeve të mijëra njerëzve përgjatë rrugës së Ballkanit.
Në mesin e nënshkruesve të parë janë edhe deputetët nacionalë, shkrimtari Pedro Lenz dhe Adolf Muschg, raperi Greis, sindikalistët, udhëheqës fetarë, etj.