Ky qershor, më i lagështi në këtë shekull!

Në Cyrih ishte ky qershori më i lagësht i shekullit 21. Pamja më e zymtë, sipas meteorologëve ka qenë para së gjithash në Jura dhe në Zvicrën veriperëndimore.

Keystone

Muaji qershor i këtij viti është dalluar me lagështi të theksuar në gjithë Zvicrën. Që nga Jura e Kantonit Vaud e deri në Kantonin Schaffhausen, ka pasur 150 deri 215 për qind më shumë sasi shiu se sa që është e zakonshme në qershor, njofton SRF Meteo. Ndërsa në Cyrih ishte ky qershori më i lagësht i shekullit 21.

Marrë në përgjithësi, në gjithë Zvicrën gjatë qershorit ka pasur mungesë të diellit. Pamja më e zymtë, sipas meteorologëve ka qenë para së gjithash në Jura dhe në Zvicrën veriperëndimore. Në këto regjione në shumë vende ka pasur vetëm 60 deri 70 për qind nga ndriçimi i diellit që është i zakonshëm për këtë muaj. Në Bazel dhe në regjionin rreth Liqenit të Gjenevës ka pasur rreth 50 orë mangut shkëlqim dielli.

Sipas SRF Meteo në ditët në vijim vazhdon mot i ngrohtë por nuk parashihen periudha të gjata thatësie.