Trenat e Zvicrës, me WLAN në vitin 2019

Duke filluar nga viti i ardhshëm (2017) disa nga trenat që qarkullojnë në aksin hekurudhor veri-jug përmes Gothardit ose Simplonit do të pajisen në mënyrë graduale me WLAN

Pasagjerët që udhëtojnë me tren nga Zvicra në drejtim të Italisë do të kenë në dispozicion lidhjen me internet pa tela (WLAN). Por kjo nuk do të ndodhë para vitit 2019, së paku jo në tërësi.

Duke filluar nga viti i ardhshëm (2017) disa nga trenat që qarkullojnë në aksin hekurudhor veri-jug përmes Gothardit ose Simplonit do të pajisen në mënyrë graduale me WLAN. Këtë raportim të bërë nga gazeta “Schweiz am Sonntag” e ka vërtetuar edhe SBB/CFF (Ndërmarrja Federale Hekurudhore).

Aktualisht në rrjetin hekurudhor të Zvicrës mund të shfrytëzohet WLAN-i vetëm në trenat e jashtëm si në ata ICE, TGV ose Railjet, përcjell albinfo.ch.

Ndërkaq SBB aktualisht në Zvicër mbështetet vetëm në përforcimin e sinjalit të internetit mobil, duke instaluar të ashtuquajturit Repeater.