Fajon: Votimi i liberalizimit të vizave mbetet për shtator

Fajon ka konfirmuar se mosratifikimi i demarkacionit me Malin e Zi është arsyeja kryesore për këtë vendim. Vendimin ne fjalë, sipas saj e ka marrë pas konsultave të bëra me zyrtarë të ndryshëm evropian

Sipas raportueses për liberalizimin e vizave në parlamentin evropian Tanja Fajon, ajo ka shtyrë për në vjeshtë votimin për vizat në mungesë të progresit të duhur në përmbushjen e kritereve të mbetura.

Fajon ka konfirmuar se mosratifikimi i demarkacionit me Malin e Zi është arsyeja kryesore për këtë vendim. Vendimin ne fjalë, sipas saj e ka marrë pas konsultave të bëra me zyrtarë të ndryshëm evropian, thuhet në një komunikatë që transmeton rtklive.com

“Sinqerisht shpresoj që kjo marrëveshja të ratifikohet në Parlamentin e Kosovës sa më shpejtë që është e mundur, mundësisht para pushimeve verore, në mënyrë që të më lejohet të vazhdoj me procesin e votimit në vjeshtë dhe të kam të siguruar mbështetjen e plotë të Komitetit për heqjen e regjimit të vizave”, theksoi Tanja Fajon.

Është fjala për votimit të komitetin për liritë qytetare gjyqësi dhe punë të brendshme, që është i domosdoshëm para se të dorëzohet votimi në seancë plenare. Raportuesja Fajon kishte qëllimin që të kryej krejt procedurat në mënyrë që vendimi Parlamentit Evropian mbi heqjen e vizave për Kosovën të bëhet në seancën plenare të tetorit.

Andaj ajo apeloi tek politikëbërësit e Prishtinës që të ndërmarrin hapat e domosdoshëm nëse dëshirojnë që Parlamenti të votoj liberalizimin e vizave gjatë 2016- ës.

“Besoj fuqishëm se me ratifikimin e marrëveshjes kufitare, Parlamenti evropian do jetë në gjendje  që të mbështetë heqjen e regjimit të vizave për Kosovën deri në fund të këtij viti”, tërhoqi vërejtjen raportuesja për vizat, Tanja Fajon.