Kujdes, policët e përbashkët patrullojnë nëpër “Rrugën e Kombit”

Sipas një njoftimi, Shërbimi për Çështjet e Brendshme dhe Ankesat si dhe Inspektoriati i Policisë së Kosovës, kanë kryer për disa javë inspektime në anën e Shqipërisë

Pas marrëveshjes që u arrit në fund të muajit qershor, ndërmjet Ministrisë së Punëve të Brendshme të Kosovës dhe asaj të Shqipërisë, nga 1 korriku Policia e Kosovës dhe ajo e Shqipërisë po patrullojnë bashkë nëpër “Rrugën e Kombit”, për të “mbajtur” nën kontroll shpejtësinë e ngsësve.

Sipas një njoftimi, Shërbimi për Çështjet e Brendshme dhe Ankesat dhe Inspektoriati i Policisë së Kosovës, kanë kryer për disa javë inspektime me qëllim vlerësimin e efikasitetit të patrullimeve të përbashkëta përgjatë vijës kufitare.

Pas konstatimeve pozitive është rënë dakord që agjencitë ligjzbatuse të vijojnë të bashkëpunojnë në këtë drejtim për t’i ofruar qytetarëve të dy vendeve shërbime cilësore, sidomos në pikën kufitare të Morinës, ku në sezonin e verës në një ditë kalojnë rreth 100 mijë shtetas.

Sipas marrëveshjes ndërpolicore, në secilin vend ku të ndalin patrullat e Policisë së Kosovës në anën e Shqipërisë, shoferët e pandërgjegjshëm paguajnë gjoba. Prandaj ka qenë mesazhi i dy policive që te respektohen maksimalisht shenjat e komunikacionit për t’iu ikur aksidenteve dhe gjobave në trafik.