50’000 lojtarë të përjashtuar nga kazinotë në Zvicër

Gati 50’000 lojtarë dhe lojtare aktualisht nuk kanë të drejtë të hyjnë në 21 qendra për  kumar në Zvicër. Kjo ndalesë, njofton albinfo.ch, prek personat të cilët janë të varur nga bixhozi, që kanë borxhe të mëdha ose që mund të pengojnë veprimtarinë e qendrave në fjalë.

Në fund të vitit të kaluar, 46’468 persona u përjashtuan nga kazinotë zvicerane: pra  3’374 më shumë se një vit më parë, sipas shifrave të dhëna nga Bordi Federal ilojërave të publikuara në internet dhe të cilët albinfo.ch ju përcjell.

Kazinotë janë të detyruara me ligj që të veprojnë kundër ndikimit negativ të lojërave të fatit. Kështu, vizitorëve që besohet të jenë të varur dhe ata që nuk kanë mjete për të luajtur u ndalohet hyrja.

Kazinotë e inspektuara

Ky përjashtim zbatohet nga të  gjitha kazinotë zvicerane dhe mund të tërhiqet vetëm në qoftë se një numër i kushteve janë përmbushur. Në vitin 2015, Sekretariati i Bordit Federal Gaming ka kryer inspektime në 21 shtëpi për bixhoz.

Këto qendra respektojnë relativisht mirë ligjin. Megjithatë, Bordi Federal Gaming fton disa kazino që të ndërmarrin veprime, veçanërisht në sektorin e sistemit të kontrollit të brendshëm. Megjithatë, raporti nuk specifikon se cilat kazino janë më të prekura nga ky fenomen.