Ja vendet ku festa e 1 gushtit fillon më 31 korrik

Me rastin e kësaj feste, fjalime kryesore në manifestimet anekënd Zvicrës, do t`i mbajnë 7 ministrat, anëtarë të kreut kolektiv të vendit

(KEYSTONE/Patrick Straub)

Nesër, e hënë, është festa nacionale e Zvicrës, 1 Gushti. Por në fakt, kremtimi i kësaj feste ka filluar që sot, më 31 korrik.

1 gushti si ditë e themelimit të Zvicrës ka filluar të festohet në vitin 1891, gjegjësisht është hera e 125 që kjo ditë shënohet në nivel vendi, shkruan srf.ch

Me rastin e kësaj feste, fjalime kryesore në manifestimet anekënd Zvicrës, do t`i mbajnë 7 ministrat, anëtarë të kreut kolektiv të vendit.

Fjalimin e parë do ta mbajë sot, si fillim presidenti i Federatës, Johann Schneider Ammann në Lodano të Ticinos, transmeton albinfo.ch. Po ashtu sot do të mbajnë fjalë për nder të 1 Gushtit edhe ministri i financave Ueli Maurer, në Bussnang dhe Fischingen (Thurgau), Zvicra lindore.

Ministri i mbrojtjes dhe i sportit Guy Parmelin do të mbajë fjalim në Rorschah, kantoni St. Gallen ndërsa ministri i kulturües, Alain Berset në mbrëmjen e sontme do të jetë oratori kryesor në Muzeun Nacional të posa rinovuar në Cyrih.