Punëtorët zviceranë kërkojnë rritje 1 për qind të pagave

Travail Suisse kërkon një rritje të pagës mesatare. Organizata në fjalë kërkon rritje të përgjithshme të të ardhurave, të shpërndarë në pagat mujore dhe jo bonuse.

Federata çati e punëmarrësve te Zvicrës, Travail Suisse dhe federatat që bëjnë pjesë në të kërkojnë që për vitin e ardhshëm në degët e ndryshme ekonomike të Zvicrës të kete një rritje prej 1 për qind të të ardhurave.

Travail Suisse e mbështet këtë kërkesë në faktin se sipas saj, gendja ekonomike në Zvicër është stabile, shkruan sda.ch. Ky stabilitet i detyrohet në radhë të parë kontributit të punëtorëve dhe për këtë arsye duhet të shpërblehet, përcjell albinfo.ch.

Organizata në fjalë kërkon rritje të përgjithshme të të ardhurave, të shpërndarë në pagat mujore dhe jo bonuse. Veç kësaj, Travail Suisse kërkon një rritje të pagës mesatare.

Sindikata Syna, e cila është pjesë e federatës së përmendur, kërkon që, duke filluar nga viti i ardhshëm të rriten pagat mesatarisht nga 100 franga në muaj. Sipas saj, në shumë degë të ekonomisë gjatë këtij viti nuk ka pasur rritje të pagave.