Çdo i katërti, vullnetarisht refuzon ndihmat sociale

Një studim tregon se sidomos në fshatra janë të shprehura kërkesat e zviceranëve për të hequr dorë nga ndihmat sociale nga frika e izolimit nga shoqëria, thuhet në një sdudim.

Një studim i ri nga Berner Fachhochschule (BFH) vlerëson se një në katër njerëz (26.3 për qind) heqin dorë nga përfitimet që vijnë nga ndihmat sociale, edhe pse ata kanë të drejtë për t’i marrë ato.
Për realizimin e studimit janë vlerësuar statistikat e ndihmave sociale në Kantonin e Bernës, përcjell albinfo.ch.

“Mund të supozohet se këto rezultate janë të vlefshme për gjithë Zvicrën”, thotë Oliver Hümbelin, i cili ka shkruar studimin si pjesë të disertacionit të tij.

Në qytete vetëm 12 për qind e tyre heqin dorë nga ndihmat sociale. Në zonat urbane norma është 28 për qind. Në zonat rurale, çdo i dyti person (50 për qind) refuzon ndihmat sociale.

Arsyeja, sipas studimit, është se njerëzit në zonat rurale ballafaqohen nga presioni shumë më i fortë i shoqërisë.