Turqia ndan në ‘dysh’ edhe popullin e Kosovës

Edhe shqiptarët në Kosovë janë pro dhe kundër Recep Tayyip Erdogan dhe ‘puçi’ i fundit në Turqi ka ndarë popullin në mes sa i përket kësaj çështjeje

Rrëmuja e fundit që ndodhi në Turqi vjen pas disa vjetësh, në të cilin Turqia ka forcuar praninë e saj politike, ekonomike e kulturore në Ballkan, ka ndarë thellësisht edhe shqiptarët e Kosovës.

Disa prej tyre kanë qenë mbështetës, ndërsa të tjerët janë gjithnjë e më kritikë ndaj vendit që besohet të jetë një nga aleatët kryesor të Kosovës në rajon, shkruan albinfo.ch.

Në një farë mënyre, kthimi i Turqisë në Ballkan gjatë dekadës së fundit është mishëruar në figurën e presidentit Recep Tayyip Erdogan, por ka rihapur pyetje të vjetra të mbetura nga pesë shekujt e sundimit osman në rajon dhe ringjallur simpatitë e vjetra, si dhe armiqësitë e vjetra.

Një shkencëtar politik në Kosovë, i cili ishte shkolluar në Turqi, Fatlum Sadiku, ka thënë se Kosova, ashtu si edhe Turqia, është e ndarë në mes të njerëzve të cilët mbështesin Erdoganin dhe që janë kundër tij.
“Të dy kampet pasqyrojnë shoqërinë e polarizuar turke në lidhje me të”, tha Sadiku për “balkaninsight.com”.