Rreth 12 mijë refugjatë kthehen nga Gjermania në Austri

Numri i refugjatëve që i kanë kthyer autoritetet gjermane në kufirin gjermano-austriak mbetet i lartë në gjashtë muajt e parë të këtij viti. Statistikat flasin për 11.700 emigrantë të kthyer, sipas një deklarate të autoriteteve gjermane, përcjell albinfo.ch.

Policia gjermane nga janari deri në korrik në Austri ka kthyer 11,700 refugjatë, tha Ministria gjermane e Punëve të Brendshme.

Kështu Ministria konfirmoi pretendimet e ministrit të Brendshëm të Austrisë, Wolfgang Sobotka, i cili në një intervistë të fundit për agjencinë e lajmeve DPA tha se Gjermania këtë vit në Austri ka kthyer rreth dhjetë mijë refugjatë.

„Ne i kemi pranuar për shkak se i përmbahemi marrëveshjes së Dublinit“, tha Sobotka, përcjell albinfo.ch.