Tërmet në Shkup, panik tek qytetarët  

Sot në ora 06:58, Shkupi dhe i tërë rajoni verilindor i Maqedonisë është goditur nga një tërmet i shkallës 4.4 sipas Rihterit. Epiqendra ishte 7 kilometra në verilindje të kryeqytetit

Një termet me 4.4 shkallë të Rihetrit ka goditur mëngjesin e sotëm kryeqytetin e Maqedonisë- Shkupin, duke shkaktuar panik të madh tek qytetarët. Sipas Institutit për Sizmologji, epiqendra e tërmetit ishte në fshatin Creshovë, 7 kilometra nga qendra e Shkupit.

Mund të ketë edhe disa tërmete të vogla që zakonisht ndodhin pas një tërmeti si ai që ndodhi në mëngjes me një magnitudë prej 4.4 gradë, deklarojnë zyrtarët nga ky institut, raporton Almakos.

Drejtori i institutit, Mihaill Garevski, thotë se nuk ka vend për panik, dhe shton se tërmeti i këtillë nuk mund të shkaktojë dëme, në qoftë se ndërtesat janë ndërtuar në përputhje me standardet.