Ndalohet përdorimi i telefonave celularë nëpër shkolla?

Gjatë pushimeve, telefoni nuk duhet të përdoret. Fillimi i vitit të ri shkollor ka sjellë një rregull të re, ngase përdorimi i telefonave celularë në shkollat e Zvicrës Qendrore është bërë gjithnjë e më problematik. Rregulla është që edhe në pushimet 10-minutëshe të mos përdoret telefoni.

Disa shkolla kantonale tashmë i janë përgjigjur kërkesës për të ndaluar telefonat, raporton “Zentralschweiz am Sonntag”, përcjell albinfo.ch.

Në Zug, për shembull, vlen për tri javë ndalimi i telefonave celularë për shkollat e mesme dhe të ulëta.

Po ashtu raportohet në shkollat e mesme në Stans, Beromünster LU dhe LU Willisau për rregulla të reja të rrepta.

Në kolegjet në Stans flitet për një përvojë të mirë. “Mësuesit kanë vërejtur se nxënësit janë të përqendruar dhe flasin më shumë me njëri-tjetrin”, thotë Rektori Patrik Eigenmann.
Por ka edhe shkolla të mesme, si Alpenquai, kantoni në Luzern, të cilat nuk kanë zbatuar kufizime jashtë klasës.

Se nuk janë vetëm shkollat të përkushtuara për këtë temë, por është një dëshirë edhe e prindërve, tregon një studim shkollës kantonale Seetal të Lucernit, i realizuar në qershor 2016. Nga 176 çifte të prindërve, të cilët kishin marrë pjesë në studim, 166 prej tyre kanë mbështetur një kufizim në përdorimin e “smartphoneve” nëpër shkolla.