41 të infektuar me virusin Zika në Zvicër

Në javën e parë të shtatorit janë raportuar katër raste të reja të infektimit me virusin Zika në Zvicër. Në përgjithësi, numri i rasteve të regjistruara u rrit në 41. Kjo del nga buletini i fundit i Zyrës Federale të Shëndetit Publik (BAG), i cili është publikuar të hënën. Virusi është përhapur në Amerikën Jugore dhe Qendrore dhe Karaibe që nga maji 2015. Duke u grumbulluar rastet sidomos në Brazil.
Virusi transmetohet nga mushkonjat e caktuara. Edhe një infeksion me anë të marrëdhënieve seksuale është i mundur.
BAG në faqen e saj ka vënë në dispozicion për qytetarët nga Zvicra listën e vendeve ku përhapet virusi Zika.

BAG rekomandon në mënyrë të veçantë për t’u mbrojtur nga pickimi i mushkonjave.
Infeksioni me virusin Zika mund të shkaktojë komplikime neurologjike.Te gratë shtatzëna virusi mund të ndikojë që fëmijët e tyre të lindin me mikrocefalia. Në këtë rast, fëmijët kanë një kokë jashtëzakonisht të vogël, e cila mund të shkaktojë probleme të rënda zhvillimore.