Shqiptarët me union për kulturë dhe sport

Pas përpjekjeve disa mujore të veprimtarëve shqiptarë të regjionit St.Gallen, këtë javë është zyrtarizuar Unioni për kulturë dhe sport.

Organizim i ri i mërgatës shqiptare do të mbajë emrin „Unioni Kulturor Sportiv Shqiptar“ dhe do të synojë bashkimin e potencialit veprues të diasporës shqiptare në kantonin St. Gallen.

Nga kuvendi themelues i mbajtur të dielën në St. Gallen, pjesëmarrësit kanë votuar anëtarët e kryesisë për një mandat dy vjeçar me mundësi vazhdimi. Nismëtarët e Unionit kanë formuluar një projektstatut dhe rregullore pune që do të jetë në funksion të mandatarëve për  jetësimin e Unionit që në publik do të prezantohet me shkurtesën UKSSH.

Në listën e 21 anëtarëve të kryesisë, kryetar është zgjedhur aktivisti i hershëm, i njohur si poet dhe së fundi i angazhuar në partinë e socialdemokratëve të Zvicrës, Isuf Sherifi. Me kandidatin për ansamble të qytetit St. Gallen, Veton Rasajn dhe imamin Fehmi Dragusha, Unioni do të ketë dy nënkryetarë. Vendin e sekretarit do ta mbajë Argjend Shehu, kurse financat janë në duar të Besmir Ahmetit dhe Faton Musliut.

Kryetari i Unionit, Isuf Sherifi ka deklaruar për albinfo.ch se është bërë paraprakisht një punë e madhe me angazhimin e të gjithë veprimtarëve të kësaj ane për të ardhur deri këtu ku jemi sot. Me mbajtjen e kuvendit themelues, ne hedhim një hapa drejt bashkimit të potencialit tonë kulturor e sportiv ne regjionin ku jetojmë.

„Jam i vetëdijshëm për sfidat që më presin, por do të angazhohem në unifikimin e potencialit kulturor e sportiv të mërgatës sonë, siguron ai.

Sipas kryetarit Sherifi, Unioni respekton autonominë e shoqatave dhe klubeve shqiptare.

„Të gjitha klubet dhe shoqatat kanë autoniminë e plotë të veprimit si të pavarur, ne kërkojmë të organizohemi e të paraqitemi si union i bashkuar kur është fjala për çështje të interesit të përbashkët të diasporës shqiptare“, theksoi Sherifi.

Për dy vitet e ardhshme, kryesia e UKSSH është në këtë përbërje:

1. Ajtene Hasani
2. Agush Buja
3. Bekë Bekteshi
4. Isuf Ahmetaj
5. Isuf Sherifi
6. Gazmend Mulaj
7. Baki Rexhepi
8. Haki Sutaj
9. Faton Musliu
10. Rexhep Rama
11. Alban Imeri
12. Arber Bullakaj
13. Gani Shala
14. Veton Rasaj
15. Safedin Vokshi
16. Fehim Dragusha
17. Robert Hoxha
18. Qendrim Camaj
19. Kushtrim Koprani
20. Besmir Ahmeti
21. Argjend Shehu