Philippe Rebord është shefi i ri i Ushtrisë së Zvicrës

Qeveria e kishte emëruar që në muajin prill të këtij viti oficerin Rebord për zëvendës të Blattmanit, duke e bërë kështu favoritin kryesor për postin më të lartë në Ushtrinë e Zvicrës

Shefi i ri (komandanti) i Forcave të Armatosura të Zvicrës quhet Philippe Rebord. Oficeri 59 vjeçar nga kantoni Valis, nga një janari 2017 do të zërë vendin e komandantit aktual Andre Blattmann, ka vendosur sot Këshilli Federal i Zvicrës.

Qeveria e kishte emëruar që në muajin prill të këtij viti oficerin Rebord për zëvendës të Blattmanit, duke e bërë kështu favoritin kryesor për postin më të lartë në Ushtrinë  e Zvicrës. Por në garë me të ka qenë edhe komandanti i armatës, Daniel Baumgartner.

Rebord ka studiuar në Universitetin e Lozanës për histori, gjeografi dhe gjuhë frënge. Në vitin 1985 ai është inkuadruar në trupat e instruktorëve të këmbësorisë së armatës, shkuan sda.ch. Pas një qëndrimi studimor në Collège interarmées de défense, në Paris, ai u emërua shef shtabi i shkollave të shtatmadhorisë dhe në vitin 2000 u bë komandant i Shkollës tenkiste në Chamblon (Vaud).

Në vitin 2001 ai u emërua në postin e udhëheqësit të projektit “Rekrutimi, armata XXl”. Nga viti 2004 deri në vitin 2008 Rebord ka ushtruar detyrën e komandantit për rekrutim në personelin e Armatës, transmeton albinfo.ch. Ndërsa në vitin 2009, Qeveria Federale e ka emëruar komandant të Brigadës së Dytë të Këmbësorisë duke e graduar në brigadier (gjeneral).

Blattman e kishte paralajmëruar dorëheqjen e tij në marsin që shkoi.

Për të udhëhequr procesin e reformimit në armatë, ministri i mbrojtjes, Parmelin ishte në kërkim të një komandanti të ri të Forcave të Armatosura.