Një organizatë studentësh kërkon shembjen e Kishës politike në Prishtinë

Ndërtimi i kishës filloi në mes të viteve 1990, kur Sllobodan Millosheviqi ishte në pushtet dhe përpiqej të konsolidonte kontrollin serb mbi atë që atëherë ishte provinca e saj e Kosovës

Kisha Ortodokse që ndodhet në oborrin e Universitetit të Prishtinës, është kthyer sërish në qendër të vëmendjes. Kjo kishë është ndërtuar para luftës në Kosovë, kurse më pas ka qenë cak i disa sulmeve, por nuk është rrënuar.

 

Një grup studentësh nga Fakulteti i Matematikës dhe Shkencave Natyrore në Universitetin e Prishtinës dërguan një letër në mediat lokale duke bërë thirrje për shkatërrimin ose përshtatjen e kishës për një tjetër funksion, ndërtimi i të cilës filloi gjatë sundimit të Sllobodan Millosheviqit në vitet 1990, shkruan ‘Balkaninsight.com’.

 

“Meqenëse ai objekt është ndërtuar në kohën e regjimit të Millosheviqit, pikërisht në oborrin e kampusit universitar, ne shprehim indinjatën tonë të thellë se pse ende asgjë nuk u ndërmor nga institucionet e Republikës së Kosovës për shkatërrimin e atij objekti, ose shndërrimin e tij në ndonjë lloj objekti i cili do t’u shërbente studentëve të Universitetit të Prishtinës “Hasan Prishtina” për punët e tyre studimore, si për shembull bibliotekë,” thuhej në letër, përcjell albinfo.ch.

 

Studentët thanë gjithashtu se puna për ndërtimin e kishës së papërfunduar, përgatitjet për të cilën filluan të enjten, duhet të ndalojnë përkohësisht.

 

“Ne besojmë se këto punime kanë filluar vetëm për ngritjen e tensioneve ndëretnike, prandaj nuk e kemi ndërmarrë ende asnjë masë për kundërshtimin e tyre, mirëpo nëse ato vazhdojnë edhe në ditët e ardhshme, ne do të reagojmë ashtu siç kanë reaguar gjithmonë studentët shqiptarë të Republikës së Kosovës, pra, me aksione të ndryshme e me protesta gjithstudentore,” paralajmëroi letra.

 

Studentët thanë se ata s’janë kundër ndonjë feje apo ndërtese fetare, por kundër asaj që ata e quajtën “degradimi” i universitetit.

 

Përfaqësues të Kishës Ortodokse Serbe në Kosovë filluan pastrimin e kishës të enjten, por puna e tyre u ndalua nga zyra e inspektimit të komunës së Prishtinës, i cili pretendoi se ata nuk kishte lejen e duhur për këtë.

 

Pastrimi u organizua nga serbë vendas dhe kisha pasi persona të panjohur futën goma në ndërtesë dhe u vunë atyre zjarrin më 9 shtator.

 

Zjarri nuk i shkaktoi ndonjë dëm të rëndësishëm ndërtesës, por Kisha Ortodokse Serbe dhe serbët vendas u quajtën sulmin të turpshëm dhe i bënë thirrje autoriteteve të Kosovës të gjejnë personat përgjegjës.

 

Ndërtimi i kishës filloi në mes të viteve 1990, kur Sllobodan Millosheviqi ishte në pushtet dhe përpiqej të konsolidonte kontrollin serb mbi atë që atëherë ishte provinca e saj e Kosovës. Ajo ka mbetur e papërfunduar që kur lufta për pavarësi në Kosovë përfundoi në vitin 1999.

 

Në korrik, gjatë një gërmimi të kryer nga disa ekspertë mjekoligjorë nuk u arrit të gjendeshin eshtra njerëzish në një varr të dyshuar masiv pranë kishës.

---