Zvicra prodhon borë artificiale për të siguruar pistat e skijimit

Bora e parë tashmë ka rënë në Zvicër. Por nuk mjafton për vendet për ski dhe janë vënë në funksion topat e borës artificiale.

Në vendet turistike në Davos Klosters janë vënë 75 nga gjithsej 170 topa bore për të prodhuar borë rezervë.

“Për shkak të temperaturave të ulëta, ne prodhojmë borë. Pasi temperaturat e qëndrueshme mbizotërojnë, ne mund të shpërndajmë borë për të ndërtuar pistat e skijimit”, thotë Markus, menaxher i maleve Klosters Davos për «Schweiz Aktuell», përcjell albinfo.ch.

Rajoni është i varur nga turizmi dimëror që zgjat në këtë sezon nga mesi i nëntorit deri në fund të prillit.

“Përveç industrisë hoteliere, turizmi është i varur edhe nga bora artificiale”, thotë Markus Good.

Rreth 30 për qind e konsumit total të energjisë vjetore në Davos Klosters investohet për prodhimin e borës artificiale.