Pastrim parash: 15 banka zvicerane, në “zonën e kuqe”

Sipas Autoritetit të Mbikëqyrjes Financiare FINMA, disa banka zvicerane janë të ekspozuara ndaj rrezikut të lartë të pastrimit të parave në luftën e tyre për të siguruar klientë të rinj. Këto komente i ka bërë drejtori i FINMA-s, Mark Branson, për “Sonntagszeitung”.

Autoriteti Mbikëqyrës kishte ngritur një sistem alarmi për pastrimin e parave. “Janë rreth 15 banka në zonën e kuqe. Ekziston edhe një bankë e madhe”, tha Mark Branson, përcjell albinfo.ch.
Në vend të vendosjes së gjobave jashtëzakonisht të larta, FINMA këmbëngul “për të ndjekur bankierët të cilët kanë falimentuar”, tha Branson. Banka “Falcon” është përballur me akuzat e pastrimit të parave në lidhje me fondin shtetëror të Malajzisë.
FINMA tha se Falcon është duke përfituar 2,5 milionë franga nga transaksionet e pastrimit të parave.

Branson ka inkurajuar edhe përshtatjen e sistemit të auditimit në bankat zvicerane. Ai ka identifikuar një konflikt interesi në mes të firmave audituese.

Firmat e auditimit, të cilat kanë për të raportuar sjelljen e bankave te FINMA, sot marrin mandatin e tyre direkt nga bankat dhe janë paguar nga ana e tyre, tha drejtori i FINMA-s, Branson. Ai tha se nuk do të ishte një ide e keqe nëse në vend të bankave, FINMA mund të caktojë mandatet për të audituar firmat”.