Pengesat e të rinjve shqiptarë në Gjermani

Endri, Ildis dhe Albi vijnë nga Shqipëria dhe janë pjesë e një programi për t’u ri-integruar dhe trajnuar për të fituar të drejtën e azilit në Gjermani

Tre banorët kanë shumë gjëra të përbashkëta, ata janë të gjithë 18 vjeç dhe janë miq, mësojnë dhe ndajnë një apartament të lirë në qytetin verior. Në dukje normale. Por, Endri, Ildis dhe Albi kanë edhe një gjë të përbashkët. Të gjithë vijnë nga Shqipëria, shkruan ‘nordstadtblogger.de’.

 

Për të rinjtë që vijnë nga vendi më i varfër në Evropë, është e pamundur për të marrë një vend të trajnimit në Gjermani. Është e thjeshtë, pasi politika gjermane i ka shpallur të ‘padëshiruar’, përcjell albinfo.ch. Refugjatët nuk janë të mirëpritur.

 

Ka mijëra të rinj nga Shqipëria në Gjermani. Shumë pak prej tyre kanë perspektivë, pasi politikanët gjermanë në vjeshtë të 2015-es, Shqipërinë e kanë shpallur vend të sigurt.

 

Azili në mënyrë ligjore, praktikisht nuk është i mundur më. Këtë fat e kanë mijëra të rinj nga vendet që kinse janë të sigurta.

 

Për të marrë një perspektivë profesionale në Gjermani, ata duhet të kapërcejnë një numër të pabesueshëm të pengesave. Por, ata nuk janë të vetmit. Edhe 300 refugjatë në Grunbau janë pjesë e një programi për trajnimin dhe ri-integrimin e personave të papunë.

 

Tashmë është krijuar edhe një fond për këtë trajnim, derisa nuk ka rëndësi se nga cili vend vijnë refugjatët. Atyre iu ofrohet shkollim dhe trajnim për punë, në mënyrë që të fitojnë vetë qëndrimin në Gjermani.

 

Për të rinjtë nuk është aspak e lehtë, sidomos ata që janë pa familje. Ata ballafaqohen edhe me shumë pengesa tjera.

 

---