Sot në Cyrih mbahet Forumi Ekonomik Maqedoni-Zvicër

“Investimi dhe tregtia me Maqedoninë, raporte nga përvojat e ndërmarrësve zviceranë”, do të jenë në fokus të Forumit Ekonomik Maqedoni – Zvicër, që do të mbahet sot, nga ora 14, në Hotel Krone Unterstrass, Schaffhauserstrasse 1, 8006 Zürich.

Nga Maqedonia në Forumin e Cyrihut do të vijnë zëvendëskryeministri Vladimir Pesevski, ministri për Investime, Arlind Zeqiri dhe shefi i Agjencisë për Investime të Huaja, Visar Fida, të cilët me referimet e tyre do të sjellin një pasqyrë të gjendjes në fushën e investimeve në Maqedoni.

Gjatë punimeve të forumit, disa nga përfaqësuesit e investuesve nga Zvicra do të raportojnë për përvojat e tyre për investimet në Maqedoni.
Forumi në Cyrih ishte në radhën e aktiviteteve të ngjashme që organizon SEC (Dhoma e Bizneseve e Cyrihut për Evropën e Mesme), ku promovohen ekonomitë e vendeve të ndryshme të Evropës.