Burkhalter, për vizitë në Slloveni

Gjatë vizitës së tij në Lubjanë të Sllovenisë, ministri i Jashtëm zviceran, Didier Burkhalter, ka folur me kolegun e tij, Karl Erjavec dhe me kryeministrin Miro Cerar. Burkhalter theksoi se bashkëpunimi i mëtejshëm mes dy vendeve ka qenë i varur nga marrëdhëniet e Zvicrës me BE-në.

Në këto takime janë hapur çështje, si ajo për lëvizjen e lirë të personave, si dhe për pjesëmarrjen zvicerane në të ardhmen në programin hulumtues “Horizont 2020”, përcjell albinfo.ch.
Si pjesë e kontributit të zgjerimit, Zvicra ka mbështetur disa projekte në Slloveni.

Në Slloveni janë përkrahur projekte në fushat e biznesit, hulumtimit, çështjet sociale dhe mjedisore.

Gjatë takimeve me autoritetet, Këshilltar Federal nga Zvicra ka shqyrtuar fushat e tjera të bashkëpunimit. Sidomos është biseduar për të forcuar bashkëpunimin në fushën e migracionit dhe policisë.

Burkhalter ka theksuar gjithashtu vullnetin për intensifikimin e bashkëpunimit në nivel multilateral: Diskutimet u përqendruan kryesisht në parandalimin e ekstremizmit të dhunshëm, të drejtat e njeriut, si dhe rëndësinë e bashkëpunimit ndërkombëtar në OKB, në Gjenevë.