Ndalohet falja e namazit brenda kazermave të FSK-së

Ministria e FSK-së ka marrë vendim që të mos i lejojë ushtarët që të falën gjatë kohës sa ata janë në detyrë. Ky vendim ka irrituar disa ushtarë të kësaj force kosovare

Pas një foto e cila u publikua në rrjetet sociale, ku shiheshin ushtarët e Forcës së Sigurisë së Kosovës (FSK) nën uniformën e ushtrisë duke u falur xhumanë brenda kazermave, Ministria e FSK-së ka marrë vendim që të mos i lejojë ushtarët që të falën gjatë kohës sa ata janë në detyrë.

Kjo foto u publikua nga gazeta “Express” e cila gjithashtu ka botuar reagimin e njërit nga eprorët e FSK-së, i cili sulmon këtë medium për siç thuhet, tendencë ndaj prishjes së ekuilibrit fetarë në Kosovë.

Express e publikon reagimin e Arian Xhezairit, njërit prej ushtarëve që tashmë e ka pranuar vendimin se i është ndaluar falja e namazit brenda kazermave të FSK-së.

“Sot m’u dha informacioni se komandanti i kazermën së FSK-së në Pomozotin me një vendim të shpejtë ka pezulluar të drejtën e faljes së namazit të xhumasë për ushtarakët e kësaj kazerme…Vendimi i tij vije si rrjedhojë e një shkrimi të para pak ditëve me titull “Ministër, a janë ushtarë, a imamë?”, shkrim i cili kishte të bashkangjitur edhe foton e vendosur këtu”, shkruan ai.

Ai thotë se ka specializuar në Georgia të SHBA-ve për sinjale ushtarake pranë US Army Signal School, dhe atje i është mundësuar falja e xhumasë.

“Përgjatë atyre pesë muajve, lëre që s’ishin të ndaluara kryerja e riteve fetare, por për çdo të premte kolegët me veturat e tyre më çonin deri tek mesxhidi dhe pas faljes vinin të më merrnin për t’u kthye në klasë apo në terren…Kam frikë që e vërteta flet dhe dëshmon për një tendencë të kulluar përçarëse”, thotë ai.