Sekretari amerikan uron Shqipërinë për 28 Nëntor

Në vitet në vijim, Shtetet e Bashkuara pret vazhdimin e bashkëpunimit, sidomos në mbështetje të progresit të Shqipërisë drejt anëtarësimit në Bashkimin Evropian”, thuhet në mesazhin e sekretarit Kerry

Sekretari amerikan i Shteteve të Bashkuara të Amerikës, John Kerry ka uruar shqiptarët me rastin e 28 Nëntorit, Ditës së Pavarësisë së Shqipërisë, shkruan albinfo.ch.

Në mesazhin dërguar në emër të Presidentit Baracak Obama dhe popullit amerikan, Kerry shkruan se Shqipëria është një forcë në rritje për sigurinë rajonale dhe globale.

“Shtetet e Bashkuara çmojnë thellë ndihmesën e Shqipërisë për Koalicionin Global në luftën kundër ISIS-it, për operacionin Mbështetja e Vendosur dhe për KFOR-in.

Ne vlerësojmë gjithashtu angazhimin tuaj të fortë për luftën kundër ekstremizmit të dhunshëm dhe nxitjen e paqes në të gjithë Ballkanin Perëndimor.

Në vitet në vijim, Shtetet e Bashkuara pret vazhdimin e bashkëpunimit, sidomos në mbështetje të progresit të Shqipërisë drejt anëtarësimit në Bashkimin Evropian”, thuhet në mesazhin e sekretarit Kerry.