Ndriçohet Prishtina

Prishtina është gati për festat e fundvitit, derisa sheshet kryesore u ndriçuan të premten mbrëma

Kryeqyteti i Kosovës, Prishtina është gati për festat e fundvitit. Sheshet kryesore janë ndriçuar me drita, derisa u lëshuan zyrtarisht të premten mbrëma, raporton albinfo.ch.

Kryetari i Prishtinës, Shpend Ahmeti ishte prezent edhe në ndezjen e dritave të bredhit në qendër të qytetit.

E për këtë fundvit Ahmeti përveç që ka uruar të gjithë, ai ka shprehur edhe një dëshirë. “Dritat u ndezën! Fëmijë nga krejt Kosova: Enjoy dhe urime festat e fundvitit. P.S. veç edhe pak borë me ra”, thuhet në postimin e tij.

Në qendër të Prishtinës gjithashtu zyrtarët në këto ditë të ftohta mund të ngrohen në Festivalin ‘Verë n’Dimën’, ku ofrohen pije të ndryshme alkoolike dhe jo-alkoolike. Sigurisht se Prishtina është gati të presë edhe shqiptarët e diasporës.

Prishtina ishte e ndriçuar me drita edhe vitin e kaluar, derisa para dy vjetësh, Ahmeti ishte kritikuar se nuk ka ndriçuar qytetin, kurse arsyetimi i të parit të Prishtinës, ishte se fondet do të shkojnë për familjet me nevojë.