Zvicra shpenzon 6 miliardë franga për shtesat fëmijërore

Mesatarja që një familje merr në muaj ka qenë 250 franga për një fëmijë. Por në 13 kantone paguhen 200 franga në muaj për një fëmijë. Në të njëjtën kohë në Kantonin e Gjenevës paguhen 400 franga për një fëmijë

Vitin e kaluar federata ka shpenzuar afër 6 miliardë franga vetëm për shtesat (kompensimet) familjare. Siç bën të ditur Zyra Federale për Sigurimin Social, mbi një milion nëna dhe etër në gjithë Zvicrën kanë përfituar nga këto shtesa.

Mesatarja që një familje merr në muaj në emër të kompensimeve familjare ka qenë 250 franga për një fëmijë. Por, nga kjo mesatare ka dallime të mëdha në kantone të ndryshme. 13 kantone e shfrytëzojnë të drejtën që shtesat në fjalë t`i japin në shumën minimale të lejuar me ligj, që është 200 franga. Në të njëjtën kohë në Kantonin e Gjenevës këto shtesa janë sa dyfishi i shumës së përmendur, gjegjësisht 400 franga për një fëmijë.

Sipas rregullit, kompensimi material për fëmijët, ashtu si dhe subvencionet për çerdhet e fëmijëve dhe për kujdestari, janë më të larta.