Vlera e aseteve pensionale, 1.33 miliardë euro

Vlera e aseteve të sektorit pensional në qershor 2016 arriti në 1.33 miliardë euro, duke shënuar rritje vjetore prej 12.4 për qind, njofton Banka Qendrore e Kosovës

Siç bën të ditur Banka Qendrore e Republikës së Kosovës, vlera e aseteve të sektorit pensional në qershor 2016 arriti në 1.33 miliardë euro, duke shënuar rritje vjetore prej 12.4 për qind .

“Fondi i Kursimeve Pensionale të Kosovës (FKPK)  përfaqëson pjesën më të madhe të aseteve të sektorit (99.5 përqind), ndërsa pjesa e mbetur menaxhohet nga Fondi Slloveno Kosovar i Pensioneve (FSKP)”, thuhet në raportin e BQK-së, të Raporti të Stabilitetit Financiar.

Asetet e FKPK-së arritën në 1.32 miliardë euro, duke shënuar normë vjetore të rritjes prej 12.4 për qind, krahasuar me rritjen vjetore prej 18.2 për qind të regjistruar në vitin 2015.

“Arkëtimet e reja shënuan rritje vjetore prej 11.4 për qind, krahasuar me rritjen 6.6 për qind në vitin paraprak. Vlera e tyre arriti në 74.1 milionë euro nga rreth 14.8 mijë kontribuues të rinj”, thuhet në raportin e BQK-së, të Raporti të Stabilitetit Financiar.