Rivotimi në Tearcë nuk solli ndryshime

Edhe pse ishte pritur se do të sjell ndryshime, votuesit në Tearcë u treguan të “pafuqishëm” për t’ia dhuruar edhe një mandat LSDM-së dhe t’ia marrin VMRO DPMNE-së

Rivotimi në qendrës votuese 20-11 në Tearcë të Tetovës nuk i ka ndryshuar forcat politike në Kuvendit e Maqedonisë. Edhe pse ishte pritur se do të sjell ndryshime, votuesit në Tearcë u treguan të “pafuqishëm” për t’ia dhuruar edhe një mandat LSDM-së dhe t’ia marrin VMRO DPMNE-së.

Komisioni Shtetëror i Zgjedhjeve mbrëmë në mesnatë publikoi rezultatet përfundimtare të vendvotimit 2011,  ku LSDM ka marrë 245 vota, VMRO-DPMNE 149.

Megjithatë kjo nuk i mjafton LSDM-së që të tejkalojë VMRO-DPMNE-në  në nivel të njësisë së gjashtë, prandaj edhe ndarja e mandateve mbetet e njëjtë me atë të 11 dhjetorit, 51 mandate për VMRO dhe 49 për LSDM.

Dje në Tearcë votuan 402 persona nga gjithsej 714 votues të regjistruar. Nga këta votues dy i ka marrë një parti tjetër, tri ishin të pavlefshme dhe nga një i kanë marrë BDI dhe Aleanca për Shqiptarët. Pra, në këtë garë, kanë garuar vetëm dy partitë maqedonase, pasi që nga këto zgjedhje vendosjet për numrin e ulëseve në Kuvend.

Nëse gjithçka shkon sipas parashikimeve, atëherë më 31 dhjetor Kuvendi i Maqedonisë do të mbajë mbledhje Konstituive, ku do të zgjidhjet kryeparlamentari e më pas edhe do të emrohet mandatari për qeverinë e re.