Apel bashkatdhetarëve: mos shkoni krejt në Merdarë

Sipas informatave aktuale, pritjet më të gjata janë në Merdarë, ku kolonat arrin në 3.5 kilometra, kurse te Dheu i Bardh pritjet janë deri 1 orë e gjysmë. Ndërsa në Mutivodë dhe në Muçibabë pritjet janë rreth 10 minuta

Ministra e Diasporës iu rekomandon bashkatdhetarëve kosovarë të cilët po kthehen në vendet e punës pas pushimeve të fundvitit, që t’i shfrytëzojnë edhe pikëkalimet tjera me Serbinë, në mënyrë që t’i ikin pritjeve të gjata. Sipas MeD, shumica e bashkatdhetarëve janë orientuar kryesisht në dy pikëkalime kufitare, Merdar dhe Dheu i Bardhë, duke shkaktuar kolona të gjata.

“Në mënyrë që t’u shmangeni pritjeve në radhë të gjata, Ministria e Diasporës ju rekomandon fuqishëm që të zgjidhni edhe pika të tjera për kalimin kufitar, përkatësisht ta përcillni gjendjen nëpër këto pikëkalime përmes tabelës së publikuar në faqen e Ministrisë së Punëve të Brendshme nga Qendra Kombëtare për Menaxhim Kufitar”, thuhet në rekomandim.

Sipas MeD, Institucionet e Republikës së Kosovës janë duke punuar vazhdimisht që të ndikojnë te pala serbe për aplikimin e procedurave lehtësuese në kufi.

Ndryshe, Ministria e Punëve të Brendshme ka publikuar një lik, http://www.mpb-ks.org/qkmk/#.WG42RlUrK73 ku shihet drejtpërdrejt pritjet dhe kalimet në 12 kufijtë e Kosovës.

Sipas informatave aktuale, pritjet më të gjata janë në Merdarë, ku kolonat arrin në 3.5 kilometra, kurse te Dheu i Bardh pritjet janë deri 1 orë e gjysmë. Ndërsa në Mutivodë dhe në Muçibabë pritjet janë rreth 10 minuta.