Për shkak të motit, shtyhet fillimi i Gjysmëvjetorit të Dytë

Ky vendim është marrë për shkak të motit të lig dhe temperaturave të ulëta që po mbretërojnë këto ditë në vendin tonë, me qëllim të evitimit të rreziqeve eventuale si dhe epidemisë së Gripit AH3V

Ministria e Arsimit, Shkencës dhe Teknologjisë, në konsultim me Drejtoritë Komunale për Arsim (DKA), ka marrë sot vendim për shtyrjen e fillimit të Gjysmëvjetorit të Dytë. Sipas këtij vendimi, shkollat e vazhdojnë pushimin dimëror deri më 16 janar 2017.

Ky vendim është marrë për shkak të motit të lig dhe temperaturave të ulëta që po mbretërojnë këto ditë në vendin tonë, me qëllim të evitimit të rreziqeve eventuale si dhe epidemisë së Gripit AH3V për të cilin MASHT dje është njoftuar edhe zyrtarisht nga Instituti Kombëtar i Shëndetësisë Publike të Kosovës.

Ministria e Arsimit, Shkencës dhe Teknologjisë, në ditët në vijim do të njoftojë Drejtoritë Komunale për Arsim, me vendimin për mënyrën e kompensimit të orëve të humbura të mësimit, thuhet në komunikatën e MASHT.