Shpresat për familjen shqiptare

Çifti i ri u largua në vitin 2015 nga Shqipëria për në Gjermani. Ai është mysliman, derisa gruaja katolike dhe të dy u larguan pas kërcënimeve hakmarrëse nga familjaret e tyre

Historia e Aurel Kukës, Aida Gjinaj dhe vajzës së tyre të vogël, Amaris, mund të jetë një shembull i integrimit të suksesshëm në Gjermani. Megjithatë, mentorët e refugjatëve kanë frikë për të ardhmen e tyre, por kursi i trajnimit mund të ketë një rol vendimtar në këtë aspekt, shkruan ‘waz.de’, përcjell albinfo.ch.

Pasi 24-vjeçari Aurel Kuka filloi kursin si mekanik, gruaja dhe vajza e tij u kërcënuan me dëbim të menjëhershëm.

Çifti i ri u largua në vitin 2015 nga Shqipëria për në Gjermani. Ai është mysliman, derisa gruaja katolike dhe të dy u larguan pas kërcënimeve hakmarrëse nga familjaret e tyre.

Në Dortmund të vitit të kaluar ata ishin martuar, derisa në shtator Aida solli në jetë një vajzë. Ata kanë vullnet të madh për t’u integruar në Gjermani, kurse për një kohë të shkurtë kanë mësuar edhe gjuhën. Kuka mori edhe një kontratë trajnimi.

Pasi Shqipëria u shpall vend i sigurt, nuk ka gjasa për familjen shqiptare të qëndrojë, megjithatë, është edhe një mundësi. Pasi Kuka është duke ndjekur një trajnim profesional, kështu që ligji mund të jetë në anën e tij sipas Ligjit të Integrimit.

Megjithatë, qyteti i Dortmundit nuk mund të komentojë rastet individuale. Ata që fillojnë kursin profesional kanë gjasa të qëndrojnë, dhe kështu ndarja me familje mund të jetë e përkohshme.