300 të rinj nga diaspora punësohen në administratë

Hapja e administratës publike për të rinjtë e diasporës është një praktikë e re e suksesshme e aplikuar vjet, projekt ku u përfshinë mbi 3.000 të rinj

albinfo.ch

Administrata publike në Shqipëri dhe Kosovë ka punësuar 300 të rinj, 200 në Shqipëri dhe 100 në Kosovë. Bëhet fjalë për ata, që kanë kryer praktikat e punës në vitin 2016 dhe që sot kanë kontratë 1-vjeçare pune, raporton “TCH”.

Numri i të punësuarve për vitin 2017 do të dyfishohet, duke e çuar numrin e të rinjve të punësuar në 400, përcjell albinfo.ch.

Hapja e administratës publike për të rinjtë e diasporës është një praktikë e re e suksesshme e aplikuar vjet, projekt ku u përfshinë mbi 3.000 të rinj. Por risi është fakti se këtë vit, për herë të parë është nënshkruar marrëveshje edhe me 14 kompani private.

Në vitin 2016 aplikuan mbi 2.600 kandidatë, një pjesë e mirë e të cilëve kanë ndjekur praktikat profesionale në Administratën Publike dhe në biznese.