Jep dorëheqje shefi i AKI-së, Agron Selimaj

Selimaj, kërkesën e dorëheqjes së tij, ia ka dorëzuar tashmë edhe zyrtarisht presidentit të shtetit, Hashim Thaçit dhe kryeministrit Isa Mustafa

Mediat në Prishtinë njoftojnë se ka dhënë dorëheqje drejtori i Agjen cisë Kombëtare të Inteligjencës (AKI) Agron Selimaj. Dorëheqjen e kanë konfirmuar për RTK-në, burime të sigurta brenda AKI-së, duke mos dhënë detaje të tjera për arsyen e largimit të parakohshëm të tij.

Selimaj, kërkesën e dorëheqjes së tij, ia ka dorëzuar tashmë edhe zyrtarisht presidentit të shtetit, Hashim Thaçit dhe kryeministrit Isa Mustafa. Agron Selimaj është emëruar nga presidentja dhe kryeministri në detyrën e drejtorit të AKI-së më 2 shkurt të vitit 2015.

Në Prishtinë supozohet se si shkak për këtë dorëheqje ka shërbyer vlerësimi se AKI nuk ka dhënë informata të mjaftueshme lidhur me zhvillimet e fundit në veriun e vendit.