Dita e fundit për Gruevskin

Mandatari Nikolla Gruevski, sot duhet të tregojë nëse ka arritur të mbledh 61 deputetë për të formuar koalicionin e ri qeverisës, ose mandatin t’ia kaloj rivalit Zoran Zaev

Kryetari i partisë më të madhe maqedonase VMRO DPMNE dhe mandatari për formimin e qeverisë së re, Nikolla Gruevski sot e ka ditën e fundit kur duhet të tregoj nëse ka arritur të bëj koalicion me BDI-në e Ali Ahmetit, apo do t’ia jep mandatin rivalit Zoran Zaev nga LSDM.

Koalicioni i ri i “fituesit me fituesin” pritet të definohet sot, ose dy partnerët që drejtuar bashkë qeverinë e Maqedonisë, do ta prishin bashkëpunimin.

BDI pas konsultimeve brendapartiake nuk arriti as ditën e djeshme të jep një përgjigje definitive se a do të shkojnë në koalicion me VMRO-në. Mësohet se sot në ora 14 Kryesia e BDI-së ka mbledhjen e radhës, ku pritet të dilet me qëndrim, nëse do ta formojnë ose jo koalicionin me VMRO-në.

Mësohet se Gruevski i ka dhënë fuqi dyfishim më të madhe BDI-së se sa në koalicionin e kaluar, përfshirë edhe postin e kryeparlamentarit. Por BDI, është para një trysnie politike dhe mediale, që mos të bëjë koalicion me Gruevskin, për shkaka të fareve të korrupsionit dhe qëndrimit të tij anti-shqiptarëve.

Por, anëtarët e BDI-së, nga kryesia qendrore, thonë se nëse nuk bëjnë koalicion me Gruevskin, nuk është e domosdoshme bërja e koalicionit me LSDM-në. Madeh Rafiz Haliti tha se BDI mbështet edhe opsionin tjetër, shkuarjen në zgjedhje të reja.