Kompanitë shqiptare janë më pak produktive se kompanitë e çdo vendi në Ballkanin Perëndimor. Fakti vihet në dukje nga një publikim i Bankës Europiane për Rindërtim e Zhvillim. Dokumenti i bazuar në anketimin e mbi 1800 kompanive, vë në dukje performancën e kompanive dhe disa pengesa për të bërë biznes.
Siç raporton abcnews, Shqipëria ka nivelin më të ulët të produktivitetit, krahasuar me të gjitha vendet e rajonit të Ballkanit, përfshirë edhe Kosovën.
Kompanitë tona, i karakterizon një produktivitet i ulët si në sektorin e prodhimit, edhe ato të shërbimeve.
Vlerësimet e BERZH vënë në dukje gjithashtu një hendek të madh mes produkitiviteti në rajonin e Ballkanit dhe kompanive në 11 vendet e Bashkimit Europian, përcjell albinfo.ch
Sipas BERZH, studimi është bërë për të kuptuar pse vendet e Ballkanit kanë një standard jetese kaq larg atyre të BE-së, kur këto vende janë kandidatë për në BE. Shumë vrojtime në rajon sipas ekspertëve të BERZH tregojnë se institucionet e dobëta, përfshirë edhe problemet me klimën e biznesit janë në zemër të këtij problemi
