Shefja e Grupit Parlamentar të Partisë Demokratike të Kosovës, Vlora Çitaku ka thënë se me grupet tjera parlamentare kanë pasur një diskutim përmbajtjesor për agjendën parlamentare për këtë legjislaturë.
Pas reagimeve të Bashkimit Evropian lidhur me ndryshimin e Ligjit për Specialen, ai ka thënë se është normale që me aleatët të kenë mospajtime.
“Është shumë normale që me aleatë, me partnerë, të kemi mospajtime. Është shumë e rëndësishme të diskutojmë. Një ndër pikat që diskutuam sot është edhe agjenda e diplomacisë parlamentare… Dy gjëra janë të rëndësisë së veçantë: procesi i Apelit në Hagë dhe Këshilli i Evropës”, ka thënë ajo, transmeton albinfo.ch.
Çitaku ka deklaruar se Kosova me ligj dhe me vullnet kërkon drejtësi teksa shtoi se nuk kërkojnë t’i ikin drejtësi, por sipas saj, kërkojnë që procesin e devijuar ta kthejnë në binarë.
“Agjenda legjislative si e tillë është një pjesë e angazhimit tonë”, ka thënë ajo.
