“NEWBORN” sërish ndërron pamjen

Sipas ideatorit Fisnik Ismaili, mesazhi i NEWBORN sivjet përkon me zhvillimet politikr në veri të Kosovës. Shkronjat “N” dhe “W” do të rrëzohen dhe mesazhi është “No Walls”, Pa mure

Obelisku i vendosur para Pallatit të Rinisë në Prishtinë, NEWBORN i cili tashmë është bërë sinonim i pavarësisë së Kosovës, edhe sivjet do të ndryshoj pamjen. Kreatori i saj, Fisnik Ismaili, këtë vit vjen me një propozim ndryshe, duke përkuar me situatën politike në Republikën e Kosovës.

Sipas tij, mesazhi përkon me zhvillimet në veri të Kosovës. Shkronjat “N” dhe “W” (dubëlV) do të rrëzohen dhe mesazhi që do të përçohet është “No Walls”, Pa mure.

Obelisku i vendosur në ditën e shpalljes së pavarësisë është konceptuar nga autori si një monument i gjallë në ndryshim, ndaj cdo vit ngjyrat që i jepen vijnë bashkë me një mesazh.

“Ideja është që ‘NEWBORN’-i të përçojë një mesazh të fortë, që kundërshton muret, apo çfarëdolloj ndarjeje që ndodh sot mes njerëzimit” thotë ai, citon TCH.

“NEWBORN”, fillimisht i verdhë, ndërsa në të vendosën nënshkrimet personalitete të ndryshe vendore e ndërkombëtare. I pari nënshkroi ish-presidenti Fatrmir Sejdiu dhe ish kryeministri Hashim Thaçi, e më pas edhe shumë qytetarë nga gjithë bota. NEWBORN ndryshoi për herë të parë pamjen në pesëvjetorin e shpalljes së pavarësisë, kur u ngjyros me flamujt e shteteve që e kanë njohur Kosovën, një vit më pas me ngjyrat e uniformave ushtarake të UÇK-së dhe NATO-s.

Më 2015-ën ishin vetë qytetarët  që pikturuan në çdo shkronjë, përveç asaj “E” që  mbeti e zezë, duke simbolizuar emigrimin masiv të kosovarëve atë vit. Edhe në tetë vjetorin e pavarësisë u ngjyros me të kaltër dhe në të u vizatuan re e tela me gjemba që simbolizojë izolimin e Kosovës për shkak të mos liberalizimit të vizave.