Përkundër sëmundjes së rëndë, dëbohet familja shqiptare

Dashnor Malecka vuan nga një sëmundje e rëndë dhe e ka të vështirë për të punuar, por as kjo nuk është marrë parasysh

Familja Malecka nga Shqipëria është dëbuar në vendlindje përkundër se ishte integruar mirë, derisa kryefamiljari ishte i sëmurë, shkruan ‘come-on.de’.

Por, jo vetëm kjo familje, por edhe tjera shqiptare janë dëbuar për në vendlindje, përcjell albinfo.ch.

Dashnor dhe Elona Malecka ishin ardhur në prill të vitit 2015 në Kierspe të Gjermanisë, dhe kishin pasur një jetë të mirë. Madje, Elona kishte lindur vajzën e saj në Gjermani, megjithatë, tani duhet të kthehen në Shqipëri, ku të ardhmen e kanë të pasigurt.

Vitin e kaluar Zyra për Migrim dhe Refugjatë i njoftoi se leja e qëndrimi i ishte refuzuar.

Dashnori vuan nga një sëmundje e rëndë dhe e ka të vështirë për të punuar, por as kjo nuk është marr parasysh.

Në një familje tjetër studentët kishin mbledhur shumë mbishkrime për të mos i dëbuar, por kot. Familja shqiptare duhet të kthehet në Shqipëri, kurse i frikësohet edhe hakmarrjes.