Serbisë i duhet një president që njeh Kosovën

“Serbia ka nevojë për një president që do të shkurtojë nyjën gordiane të problemit të Kosovës duke thënë se Kosova është e pavarur”, ka thënë lideri i Liberaldemokratëve serbë, Çedomir Jovanoviq

Kryetari i Partisë Liberal-Demokratike të Serbisë, Çedomir Jovanoviq, i cili në vijimësi ka pasur një qasje me objektive dhe proaktive në raport me Kosovën dhe rajonin, ka thënë se Serbia ka nevojë për një president që do të shkurtojë nyjën gordiane të problemit të Kosovës duke thënë se Kosova është e pavarur.

Ai në një konferencë për media të mbajtur në Beograd ka thënë se Serbisë “do t`i duhej një udhëheqës që do t`i ndryshonte marrëdhëniet në rajon, i cili do të thoshte se Serbia ka nevojë për anëtarësimin në Bashkimin Evropian dhe jo vetëm për vlerat evropiane dhe të hapë kapitullin e anëtarësimi në NATO”, raporton agjencia serbe e lajmeve “Beta”, përcjellë KlanK.

Jovanoviq duke komentuar kandidaturën e kryeministrit aktual Aleksandar Vuçiq për president të Serbisë ka deklaruar se “ky vendim është rezultat i dëshirës së tij për të konsoliduar pushtetin e vet” dhe sipas tij, “homogjenizimit të koalicionin qeverisës si dhe t`i sjellë disfatë të forcave demokratike”.

Liberaldemokrati serb theksoi po ashtu se vendimi i Vuçiq nuk ishte befasi dhe “se qëllimi i tij ishte i qartë dhe se nuk kishte vend për dilemë”