Pagat më të vogla, në Shqipëri e Kosovë

Pagat minimale në rajonin e Ballkanit Perëndimor janë: Slloveni 805 euro, Kroacia 433 euro, Mali i Zi 288 euro, Serbia 250 euro, Maqedonia 231 euro dhe Shqipëria 155 euro

Foto ilustrim

Pagat minimale në Kosovë dhe Shqipëri vazhdojnë të jenë shumë të vogla, madje më të voglat në Ballkan për t’u mos u krahasuar me vendet tjera evropiane.

Në Shqipëri paga minimale është 155 euro, derisa në Kosovë janë në fuqi dy lloj pagash minimale: Deri në moshën 35 vjet lejohet që paga minimale të jetë 130 euro, ndërsa mbi këtë moshë të mos jetë nën 170 euro, raporton albinfo.ch.

Sipas EUROSTAT-it, paga minimale në rajonin e Ballkanit Perëndimor janë: Sllovenia 805 euro, Kroacia 433 euro, Mali i Zi 288 euro, Serbia 250 euro, Maqedonia 231 euro dhe Shqipëria 155 euro.

Kreu i Bashkimit të Sindikatave të Pavarura të Kosovës (BSPK) Haxhi Arifi, ka konfirmuar për televizionin publik se ka filluar puna për e harmonizimin e pagës minimale. “Ne nuk do të heqim dorë sepse këtë e kemi kërkuar edhe më herët. Sepse në Kosovë nuk kemi paga të kënaqshme sidomos  në sektorin privat”, është shprehur ai.